Pismo Ćali

Finili su, ćaća, tvoji trud i muke na današnji dan prija 500 lit. Spomen tvoj jošće živ, jošće lip ostat hoće takov dokle svit je i vik

More li se skriti grad ča leži na gori ili svitlo ča svitli u tmi? Ne more, pape, ka ni dobra dila tvoja prid tužećim ovim pukom.

Njega jur ne mori mač Turak, ali hoće ludost pogan, onih domaćih, neumićih, bludećih. Za te ne haju, japek, ni za viru tvoju. Njima je ovo danas mira stvari svih.

Nisu oni ka i ti, ki čuva si staru rič onih dijačkih poet i začinjavac glagoljaških, inih. Na njih si vatri, dado, iskova lipu knjigu Hrvat, kriposti punu, dike ter hvaljenja.

Za tobom gremo mi puntari. Čtijuć i slideć »Judit« tvoju, šest libar kako ispiva jih jesi, pojti ćemo, otče, putom tvoga plova.

Tvoje »ča« nami da slatko zvoni dokle ne skonča se svit!

Izvor: Staroslavenski institut