Ti si najljepši trnac pri nas
h cvetju i h sadu
i zemlja z jaguci h vuletje
i zemlja puna kupin
i vruča zemlja h hladu.
Ti si gorica z oblaki
i brjeg
de najboljše husta diši,
de suša z zviranjkem spi,
od sunca de čela popijeva.
Ti si najbolja gusta detelja h kraju
i najmlajša otava,
pun klas šenice,
z verhem vedrice,
h tersiju najljepši lucen.
Ti si kak moja zemlja:
ljepa, domača i draga
de jedine je moči živeti.
Ti si sè moje
i sè one
kej nikdar ne bum prestala šteti.
Verica Jačmenica
DROPTINICE
Posebno izdanje časopisa KAJ
Mala biblioteka „Ignac Kristijanović“
Zagreb 1970.
Foto: http://www.gajde.com/stjepan-veckovic/slikarstvo/hrvatsko-zagorje/